ЯҢАЛЫКЛАР

Бүген Спас муниципаль район башлыгы К.А. Нугаев районда төзелеш объектларын карап чыкты һәм подряд оешмалары, район учреждения җитәкчелэре белән берлектә районда төзелеш объектлары буенча киңәшмә уздырды. Киңәшмәдә төзелү срокларының үтәлеше, капитал ремонт эшләре, культура көнкүреш торак объектларын һәм халыкны тузган торактан күчерү каралды.

Бүген шәһси эшмәкәр КФХ башлыгы С.Н. Юрков җитештерү җирлегендә Спас район башлыгы – К.А. Нугаев катнашында семинар – киңәшмә узды. Семинар барышында Спас муниципаль район “УСХиП” башлыгы Р.В. Мухаметов терлекчелек өлкәсендә эш буенча январь аена йомгак ясалды һэм товар эшлэп чыгару мәсәләсе алга куелды. Шул исәптән язгы кыр эшләренә хәзерләнү мәсәләсе бунча тикшерү узды.

6 нчы февралралда мәктәпкә чаклы белем бирү учреждениясе мөдирлэренең семинар киңәшмәсе булды.

Күптән түгел Никольск авылының спорт сөючеләре белән җирле мәктәп укучылары арасында үткәрелгән хоккей буенча дусларча очрашу чын бәйрәмгә әверелде.

Февральнең беренче шимбәсендә шәһәр һәм кайбер авыл мәктәпләрендә традицион очрашу кичәләре булды.

Мондый чаралар һәрвакыт мәктәп елларын, укытучылар турында хатирәләрне яңартырга мөмкинлек бирә, элеккеге укучылары авыр хезмәтләре өчен укытучыларга һәрвакыт чын күңелдән рәхмәт әйтәләр. Бәйрәмне оештыручылар кичәгә килүчеләр өчен мавыктыргыч күңел ачу программасы хәзерләгәннәр.

Буген Спас муниципаль районы башлыгы Нугаев К.А. Татарстан Республикасы Президентының социаль мәсьәләләр буенча ярдәмчесе, Татарстан Республикасының Тарихи һәм мәдәни һәйкәлләрен торгызу Республика фондының башкаручы директоры Ларионова Т.П. белән берлектә Татарстанның мәдәни мирасы: борынгы Болгар шәһәре һәм Свияжск шәһәр-утравы" проектын тормышка ашыруда объектларның әзерлеге буенча киңәшмә уздырды.

Беренче урта мәктәп укучылары туган якны өйрәнү буенча республика конкурсында яхшы чыгыш ясаганнар.

“Дөньяда безнең туган илебездән дә гүзәлрәк җир юк” дигән рәсем җибәргән Аэлита Петрова “Үз тамырларыңны онытма” номинациясендә өченче урынны алган. Ә мәктәп музее турында материал хәзерләгән Анна Фролова конкурста лауреат исеменә лаек булган. Укучыларны бүләкләү тантанасы үтәчәк Түбән Кама шәһәренә чакырганнар.

Гыйнвар уртасында елның иң мөһим ярышларыннан булган армия кул көрәше буенча Кострома шәһәрендә үткән ярышларда безнең көрәшче Павел Сергеев дүртенче урынны алды.

Тренер Ринат Шәрипов шәкерте берничә көрәштә ышанычлы җиңү яулап (16-17 яшькә кадәр, авырлык үлчәве – 75 килограмман артык), ярымфиналга чыкты. Алган җәрәхәте аркасында табиб аны ярышлардан азат итмәсә, беренче урын өчен көрәшергә бөтен мөмкинлеге бар иде.

Казан шәһәренең Маковский нәшрият йорты “Легенды древнего Болгара” дигән брошюра чыгарды.

Бу өстәлгән һәм яңадан эшләнгән икенче басма, ул төсле унике иллюстрация белән бизәлгән. Брошюраны төзүче һәм рәссамнар – Елена белән Наталья Максимовалар.

Балалар-яшүсмерләр спорт мәктәбе тренеры Сергей Власов шәкертләре 30 меңгә кадәр халык яшәгән авыл районнарының республика спартакиадасында җиңеп чыктылар.

Ярышлар Зәйдә үтте. Гомуми зачетта чаңгычылар барлык көндәшләрен артта калдырдылар, ә шәхси зачетта ирекле алым белән 15 километрлы дистанциядә безнең спортчылар арасында Игорь Бондарев иң яхшы нәтиҗә күрсәтеп, өченче урынны алды. Көмеш призердан ул азга гына калышты .

Шунда ук республика чемпионатында зурлар арасында Денис Горюнов өченче урынны алды. Гомуми зачетта безнең команда авыл районнары арасында икенче булды.

Ә якташыбыз Виктор Ермилин Самарада хәрбиләр арасында Идел буе федераль округы беренчелегенә көч сынаша, Артем Главнов исә Сочида чаңгы ярышлары буенча Бөтендөнья кубогы этабын үткәрүне тәэмин итүче милли төркем составына кертелгән.