ЯҢАЛЫКЛАР


26
ноябрь, 2018 ел
дүшәмбе

Бүген Спас муниципаль район башлыгы К. А. Нугаев район Советы һәм Башкарма комитеты активы белән киңәшмә үткәрде.


24
ноябрь, 2018 ел
шимбә

Бүген Казанда WorldSkills Kazan 2019 волонтерларын рекрутинглау үзәге эшли башлады. Ул “Маяковский” иҗади мөһит бинасында урнашкан.
Бүген Казанда WorldSkills Kazan 2019 волонтерларын рекрутинглау үзәге эшли башлады. Ул “Маяковский” иҗади мөһит бинасында урнашкан.


23
ноябрь, 2018 ел
җомга

Киләсе елда дәүләт программасы нигезендә, 26 яшүсмерләр клубын төзекләндерү планлаштырыла.

Быел Татарстанда 28 яшүсмерләр клубы төзекләндерелде, бу максатларга 100 миллион сум акча тотылды, дип хәбәр итәләр ТР Спорт министрлыгыннан.

“Татарстанда яшүсмерләр клубларының биналарын капиталь ремонтлау һәм матди базасын ныгыту өчен тормышка ашырылган программа буенча, 2018 елда республиканың Әлмәт, Түбән Кама, Зәй, Спас, Яшел Үзән, Тукай, Кукмара һәм Менделеевск кебек ун районында яшүсмерләр клублары яңартылды”, - дип ачыклык кертәләр министрлыкта.

Музей-тыюлык тәҗрибәсе белән Германиядә таныштырдылар.
Мәдәни мирасны саклау өлкәсендә волонтер проектлары координаторларының ел саен уздырыла торган очрашуында “Бөтендөнья Болгар мирасы волонтерлары” проектын тәкъдим иттеләр. Бу очрашу Германиянең Веймар шәһәрендә үтте.

Ярышлар «Казан Экспо» Халыкара күргәзмәләр үзәге, Казан төзелеш көллияте, Казан педагогика көллияте, Казан ярминкәсе һ.б. мәйданчыкларда узачак.
Иртәгә Татарстанда WorldSkills Russia төбәк чемпионаты старт ала. Бу хакта ТР Мәгариф һәм фән министрлыгы матбугат хезмәте хәбәр итә.

Болгардагы 2нче урта мәктәп базасында “Туган (татар) телен укытуда инновация технологияләре” темасына республика семинары үткәрелде.
Республиканың мәгарифне үстерү институты укытучылары Спас, Әлки, Алексеевск, Яңа Чишмә, Чистай, Нурлат   районнарының татар теле укытучылары белән очраштылар. Семинар барышында балаларга туган телне укытуның коммуникатив алымнары турында сөйләштеләр, республика укытучыларының алдынгы тәҗрибәләре белән таныштылар.

3нән 13 декабрьгә кадәр 2019 елның беренче ярты елына язылу ункөнлеге башлана.
Бу вакыт эчендә безнең район газетасына льготалы бәяләр буенча язылырга мөмкин булачак.
Газетага почта бүлекләренә барып язылган очракта, “Новая жизнь” (“Яңа тормыш”)ның ярты еллык комплекты 600 сум 54 тиенгә төшәчәк. Ә инде альтернатив пунктлар хезмәтеннән файдаланучылар газетага 420 сумга языла алачак.
Көтәбез сезне, хөрмәтле укучыларыбыз!

Казан вертолет заводында РФ Оборона министрлыгы тарафыннан эшләнгән Ми-38Т вертолетының тәүге үрнәген сынап карадылар.
Бүген Казан вертолет заводында РФ Оборона министрлыгы тарафыннан эшләнгән Ми-38Т вертолетының тәүге үрнәген сынап карадылар. Бу хакта ТР Президентының матбугат хезмәте хәбәр итә.


22
ноябрь, 2018 ел
пәнҗешәмбе

Болгардагы 1нче урта мәктәпнең сигезенче һәм тугызынчы классларында белем алучы биш укучы Халыкара “Артек” балалар үзәгендә оештырылган ХIIIнче профильле “Булачак командирлар мәктәбе” сменасында катнаша.


20
ноябрь, 2018 ел
сишәмбе
Татарстан Сәүдә һәм сәнәгать министрлыгында яңа логотип Татарстан брендын танытуда ярдәм итәчәк дип саныйлар. Татарстан җитештерүчеләре товарларын “ТАССРга 100 ел” билгесе белән маркалый башлаячаклар. Бу хакта “Татар-информ” хәбәрчесенә Татарстан Сәүдә һәм сәнәгать министрлыгы башлыгы урынбасары Герман Лернер Казанда милли сертификация системасына багышланган конференциядә әйтте. “2020 елда ТАССРның 100 еллыгы була. Шул уңайдан, Татарстан брендын таныту өчен, “ТАССРга 100 ел” логотибын кертергә килештек”, - диде агентлык әңгәмәдәше. “ТАССРга 100 ел” билгесе Татарстанда җитештерелгән барлык төр товарларга куелачак. “Логотип хәзер раслауда. Эш киләсе елдан башланыр дип уйлыйм”, - диде Лернер җирле товарларда билге кайчан күренә башлаячак дигән сорауга. Татарстан Сәүдә һәм сәнәгать министрлыгында яңа логотип Татарстан брендын танытуда ярдәм итәчәк дип саныйлар. “Ул сыйфат билгесе булырга тиеш. “ТАССРга 100 ел” билгесе белән товар сатып алганда, сез сыйфатлы товар сатып алуыгызны аңларга тиешсез”, - диде Татарстан сәүдә һәм сәнәгать министры урынбасары.

Кузнечихада яшәүче Фирүзә Дҗанизакованың иҗаты күпләрне сокландырырлык. Ул авылда курчаклар ясау остасы буларак танылган.


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International