Г.Тукай исемендәге VIII Халыкара сәнгатьле укучылар бәйгесенең муниципаль этабы

2018 нче елның 19 нчы мартында Болгар шәһәренең 2 нче номерлы урта мәктәбендә Г.Тукай исемендәге VIII Халыкара сәнгатьле укучылар бәйгесенең муниципаль этабы узды. Бәйгедә Спас районының барлык гомуми белем бирү оешмалары катнашты. Сәнгатьле укучылар бәйгесендә 3 секция түбәндәге номинацияләр буенча эшләде: кече төркем (1-4 кл.), урта төркем  (5-8 кл.),  өлкән төркем (9-11 кл.). Укучылар «Ана – бӨЕК ИСЕМ!» темасына 60 нчы еллардан иҗат иткән татар әдипләренең һәм хәзерге заман шагыйрьләренең шигырьләрен укыдылар. Шулай ук үзләре иҗат иткән шигырьләре белән дә чыгыш ясадылар.

Бәйрәм Болгар шәһәренең 2 нче номерлы урта мәктәбе укучылары һәм укытучылары тарафыннан әзерләнгән әдәби-музыкаль композиция белән башланып китте. Укучылар җырлар җырладылар, Г.Тукайның “Су анасы”, “Бала белән күбәләк” әсәрләрен сәхнәләштерделәр. Җиңүчеләр һәм призерлар Спас муниципаль районы Мәгариф бүлегенең дипломнары, грамоталары һәм сертификатлары белән бүләкләнделәр.