«Туризм һәм кунакчыллык индустриясе» милли проекты чараларын гамәлгә ашыру кысаларында 2023 елның 20 апреленнән Россия Федерациясе Икътисадый үсеш министрлыгы тарафыннан 2023 һәм 2024 елларда субсидияләр бирү һәм бүлү өчен конкурс сайлап алу старты игълан ителде.

«Туризм һәм кунакчыллык индустриясе» милли проекты чараларын гамәлгә ашыру кысаларында 2023 елның 20 апреленнән Россия Федерациясе Икътисадый үсеш министрлыгы тарафыннан 2023 һәм 2024 елларда модульле капиталь булмаган урнаштыру чараларын булдыру буенча инвестицион проектларга дәүләт ярдәме күрсәтүгә субсидияләр бирү һәм бүлү өчен конкурс сайлап алу старты игълан ителде (алга таба – конкурс сайлап алу, субсидияләр).

Субсидия күләме модульле капиталь булмаган урнаштыру чарасында бер номерга (бер яки берничә торак бүлмә һәм (яки) бер-берсенә тоташтырылган һәм индивидуаль бәдрәф, юыну урыны һәм душ белән җиһазландырылган) 1,5 млн.сумга кадәр һәм инвестицион проект бәясенең 50 процентына кадәр тәшкил итәргә мөмкин. Конкурс сайлап алуында катнашу өчен гаризалар Татарстан Республикасының туризм буенча дәүләт комитеты (алга таба – Дәүләт комитеты) тарафыннан 2023 елның 05 маенда 12:00 сәгатькә кадәр кабул ителә.

Конкурста сайлап алуны уздыруның тәфсилле шартлары, катнашучыларга таләпләр һәм сроклар Россия Федерациясе Хөкүмәтенең 2023 елның 15 апрелендәге 605 номерлы карары белән расланган кагыйдәләр белән билгеләнде. Конкурста катнашуга заявка бирүче документларны тутыру мисаллары һәм аңлатмалар Дәүләт комитетының «Эшчәнлек» / «Конкурслар» бүлегендә https://tourism.tatarstan.ru/subsidii-na-sozdanie-modulnih-nekapitalnih-6758549.htm сылтамасы буенча басылып чыкты.

Конкурста сайлап алу шартларын аңлату максатында 2023 елның 24 апрелендә 15:00 сәгатьтә Дәүләт комитетының https://t.me/tourismRT телеграм-каналы платформасында туры эфир форматында чара узачак.