Никольск мәктәбе базасында «Үсеш ноктасы» цифрлы һәм гуманитар профильле мәгариф үзәген ачу тантанасы булды
Укучылар, ата-аналар, педагоглар, район мәктәпләре җитәкчеләре, мәгариф бүлеге җитәкчесе А.Н.Ермилин, Никольский авыл җирлеге башлыгы Е.А.Синицин мәктәп кунаклары булдылар.
Сәламләү сүзе белән мәгариф бүлеге башлыгы А.Н. Ермилин чыгыш ясады. Ул билгеләп үткәнчә, "Мәгариф" милли проекты кысаларында бөтен Россия буенча "Үсеш ноктасы" санлы һәм гуманитар профильле 2951 мәгариф үзәге ачыла. Безнең районда Ким мәктәбе базасында шундый үзәк эшли инде. Үсеш ноктасы ярдәмендә балалар ИКТ-технологияләр кулланып заманча җиһазларда белем алу мөмкинлеген ала. Киләчәктә мондый центларны районның кайбер мәктәпләрендә ачу планлаштырыла.
Кунаклар “Үсеш ноктасы” үзәкләрен ачу уңаеннан Россия Федерациясе Мәгариф министры С.С. Кравцовның сәламләү мөрәҗәгате белән таныштылар, шулай ук ОБЖ, информатика, технология, шахмат белән шөгыльләнү кабинетлары яңартылган мәктәп буенча экскурсия белән таныштылар. Үзәкнең эш тәҗрибәсеннән Ким урта мәктәбе директоры Е.Г.Мамонова чыгыш ясады.