Ел саен, 15 мартта, халыкара җәмәгатьчелек Бөтендөнья кулланучылар хокукларын яклау көнен билгеләп үтә
Бу көнне үткәрү тематикасын Халыкара кулланучылар оешмалары федерациясе (CI) билгели. Бөтендөнья кулланучылар хокукларын яклау көне 2020 елның 15 мартында «Рациональ кулланучы» («The Sustainable Consumer») девизы астында узачак. Табигать ресурсларын ярлыландыру һәм әйләнә-тирә мохит торышы начараю, бушап калуны, корылыкны, эчә торган су җитмәүне һәм биотөрлелекне югалтуны да кертеп, кешелек дөньясы алдында торган күпсанлы проблемаларны арттыра һәм кискенләштерә. Табигать ресурсларын саклап калу һәм хәзерге һәм киләчәк буыннар өчен социаль шартларны яхшырту өчен, кулланучыларның бөтендөнья оешмасы һәр кулланучыны товарларны һәм хезмәт күрсәтүләрне җаваплы куллану принципларына таянырга чакыра.Бу максатка ирешү өчен мөһим юнәлеш булып табигый ресурслар һәм калдыкларны һәм пычраткыч матдәләрне утильләштерү ысуллары белән нәтиҗәле идарә итү, шулай ук калдыкларны эшкәртүне һәм киметүне гамәлгә ашыручы җитештерүчеләрне һәм кулланучыларны бүләкләү, шулай ук циклик икътисад принциплары тора.
Татарстан Республикасы Дәүләт алкоголь инспекциясенең Чистай территориаль органы белгечләре тарафыннан Бөтендөнья кулланучылар хокукларын яклау көнен бәйрәм итү кысаларында 2-16 мартта Татарстан Республикасы буенча Россия кулланучылар күзәтчелеге (Роспотребнадзор) ТОУ белгечләре белән берлектә әлеге көнгә багышланган төрле чаралар: базарда кизү тору, МФЦда консультация өстәле, уку йортларында һәм өлкән яшьтәге гражданнар тупланган урыннарда кулланучылар белеме буенча лекцияләр, дегустация үткәреләчәк, халык арасында истәлекләр таратылачак һәм анкеталар үткәреләчәк.
Татарстан Республикасы Дәүләт алкоголь инспекциясенең Чистай территориаль органы