2020 елның 15-19 февралендә Азнакай шәһәрендә 2019-2020 уку елының ТР гомуми белем бирү учреждениеләре укучылары арасында "КЭС-Баскет" мәктәп баскетбол лигасының Региональ этабы финалы булды
Безнең районнан 2 нче Болгар урта мәктәбе егетләре командасы катнашты. Финалда Казан, Чаллы, Зәй, Азнакай, Буа, Баулы, Кукмара һәм Болгар шәһәрләреннән 8 команда катнашты. Командалар һәр рейтинг нигезендә 2 төркемгә дүртәр команда бүленде. Безнең төркемгә Яр Чаллы, Кукмара һәм Азнакай командалары эләкте.
Беренче уенда безнең егетләр кискен көрәштә чаллылыларны 29 : 26 исәбе белән җиңде. Икенче уенда тагын да кызыграк булды-уен таган кебек барды һәм ахырда без кукмаралыларны 31 : 30 исәбе белән "кысып" бетерә алдык. Турнир хуҗалары-азнакайлылар белән, егетләр аларны 46 : 28 исәбе белән ышанычлы төстә оттылар һәм нәтиҗәдә, өч җиңү яулап, безнең баскетболчылар төркемдә беренче урынны яуладылар һәм ярымфиналга чыкты, анда баулылар белән очрашу булды.
Матчның беренче яртысы безнең егетләрнең диктовкасы астында узды, әмма тәнәфестән соң нәрсә булды һәм без уенның барлык компонентларында да бирешә башладык... Нәтиҗәдә, безнең команда 48 : 32 исәбе белән җиңелде.
Команданы ярышларга әзерләгәннәр-Кузнецов Юрий Евгеньевич, Шишкин Андрей Николаевич һәм Павликов Павел Николаевич.