2020 елда «Комсомольская Правда» нәшрият йорты вәкиллеге тарафыннан «100 ел эчендә Татарстанның 100 легендар бренды» проекты гамәлгә ашырыла
Ул ТАССР төзелүнең 100 еллыгын бәйрәм итүгә багышланган һәм легендар гомумреспублика һәм район брендларын сайлау буенча халык онлайн-тавыш бирүләрен күздә тота. Аның нәтиҗәләре буенча республиканың уңышларын чагылдыручы 100 бренд сайланачак. Проектта катнашуга заявка бирү мөмкинлеге Татарстанның барлык предприятиеләренә һәм оешмаларына да мөмкин.
Тавыш бирү 2 этапта http://100brand.ru сайтында уза:
1. «Легендар гомумреспублика брендлары» (тармаклар буенча тавыш бирү) - 2020 елның 20 гыйнварыннан 21 февраленә кадәр уздырыла. Аның нәтиҗәләре буенча 57 бренд-җиңүче билгеләнәчәк (28 гыйнварга барлык тармаклар буенча тавышларның суммар саны - 126 меңнән артык).
2. «Районнар буенча легендар брендлар» дигән тавыш бирү 2020 елның 1 мартыннан 31 мартына кадәр узачак. Аның нәтиҗәләре буенча 43 җиңүче бренд билгеләнәчәк (һәр районнан берәр бренд).
Игътибар итәбез, тавыш бирүгә инде яшәүдән туктаган дәгъвачы чыгарылырга мөмкин. Әмма бу районның икътисады, мәдәни һәм иҗтимагый тормышы өчен мөһим булган зур тарихлы оешмалар булуы мөһим.
Сезнең район буенча тавыш бирүнең икенче этабында катнашырга тәкъдим ителгән оешмалар буенча тәкъдимнәр булса, аларны турыдан-туры «Комсомольская Правда» нәшрият йортына 2020 елның 21 февраленә кадәр җибәрергә tatarstankp@ya.ru электрон почтасы аша. Консультация өчен контакт номеры - (843) 528-20-30.