«Ел укытучысы-2020» һөнәри осталык конкурсының зона этабы
2020 елның 29 гыйнварында безнең районда «Ел укытучысы» һәм «Иң яхшы татар теле укытучысы» Бөтенроссия конкурсының зона этабының беренче көне узды. Бәйгене ачу тантанасы 8.00 сәгатьтә Болгар 2 нче санлы мәктәбенең актлар залында узды. Конкурста катнашучыларны Спас муниципаль районы Башкарма комитеты җитәкчесе урынбасары Е.В. Савинов һәм "Татарстан Республикасы мәгариф үсеше институты" методик эшне үстерү бүлеге башлыгы О.В. Мартьянова сәламләделәр.
Шулай ук «Ел укытучысы» бәйгесенең жюрисы да тәкъдим ителде:
- "Татарстан Республикасы мәгариф үсеше институты" методик эшне үстерү бүлеге башлыгы О.В. Мартьянова;
- Казан шәһәренең 36 нчы кичке гомуми белем бирү мәктәбе директоры Г.Р. Әхмәрова;
- Казан педагогика көллиятенең укыту-җитештерү практикасы буенча директор урынбасары Рамазанова Г.И.;
- "Иннополис" лицееның инглиз теле укытучысы Шәфиева Г.М.
«Иң яхшы татар теле укытучысы» конкурсы жюрисе:
- Шәмсетдинова Р.Р. "Татарстан Республикасы мәгарифне үстерү институты" татар теле һәм әдәбияты кафедрасы мөдире;
- Хисмәтова Л.К."Татарстан Республикасы мәгарифен үстерү институты" методик эшне үстерү бүлегенең әйдәп баручы фәнни хезмәткәре;
- Нурмиева Г.В. - Казан шәһәренең Вахитов районы татар телендә белем бирүче 27 нче гимназиянең туган (татар) теле һәм әдәбияты укытучысы, «Туган тел» туган тел һәм әдәбият укытучыларының Бөтенроссия мастер-класслары конкурсында җиңүче.
“Дәрес” һәм “Мастер-класс” бәйге сынаулары шулай ук 2 нче Болгар урта мәктәбе базасында да үткәрелде.
“Ел укытучысы” конкурсында Спас, Әлки, Чирмешән районнары педагоглары (барлыгы 8 педагог) катнашты. «Иң яхшы татар теле укытучысы» конкурсында - Спас, Әлки, Чирмешән, Яңа Чишмә, Нурлат, Аксубай (барлыгы 6 педагог) катнашты.
Ел саен «Ел укытучысы» конкурсы кысаларында зур педагогик стажлы укытучылар гына түгел, «Педагогик дебют» номинациясендә яшь укытучылар да катнаша.
Конкурс сынаулары тәмамланганнан соң, 2 нче санлы Болгар урта мәктәбенең актлар залында конкурсны ябу тантанасы булды, анда катнашучыларга конкурсның зона этабында катнашкан өчен сертификатлар тапшырылды.
Иртәгә икенче конкурс көне булачак, анда иң яхшы укытучы исеме өчен Яңа Чишмә, Нурлат, Аксубай районнарыннан педагоглар көрәшәчәк.