Татарстан Республикасында хезмәт өчен түләүнең минималь күләме турында белешмәлек
2020 елның 22 гыйнвары, чәршәмбе
Татарстан Республикасы Хезмәт, халыкны эш белән тәэмин итү һәм социаль яклау министрлыгы «Хезмәт өчен түләүнең минималь күләме турында» Федераль законның 1 статьясына үзгәреш кертү хакында» 2020 елның 1 гыйнварыннан Россия Федерациясе территориясендә хезмәт өчен түләүнең минималь күләме аена 12 130 сум тәшкил итә, дип хәбәр итә.
Россия Федерациясе Хезмәт кодексының 129, 133 статьялары нигезендә айлык хезмәт хакының гомуми суммасы (өстәмә түләүне, өстәмәләрне, премияләрне һәм башкаларны да кертеп), шушы чорда тулысынча эшләгән һәм хезмәт нормасын (хезмәт вазыйфаларын) үтәгән исәпләнгән хезмәткәргә хезмәт хакының билгеләнгән минималь күләменнән түбәнрәк була алмый.
Шуңа бәйле рәвештә, әгәр хезмәткәрләрнең айлык хезмәт хакы дәрәҗәсе алар эш вакытының айлык нормасын тулысынча үтәгән очракта хезмәт хакының минималь күләменә (аена 12 130 сум) җитмәсә, эш бирүчеләргә аны күрсәтелгән күләмгә җиткерүне тәэмин итәргә кирәк.
Хезмәткәрләргә хезмәт хакын түләүнең билгеләнгән минималь күләменнән түбән булмаган күләмдә җиткерү махсус һәм зарарлы шартларда һәм төнлә эшләү өчен түләүләрне исәпкә алмыйча гамәлгә ашырыла.
Хезмәт өчен түләүнең минималь күләмен түләү буенча дәүләт гарантиясен тәэмин итү өлешендә хезмәт законнарын бозуга юл куйган эш бирүчеләр Административ хокук бозулар турында Россия Федерациясе кодексының 5.27. статьясы нигезендә административ җаваплылыкка тартыла.
Шуңа бәйле рәвештә, эшләүчеләр, алар эш вакытының айлык нормасын тулысынча үтәгән очракта (хезмәт бурычларын үтәгәндә) хезмәт өчен түләүнең билгеләнгән минималь күләменнән түбәнрәк булган очракта, үзләренең хезмәт хокукларын яклау һәм хокукый чара күрү максатларында Татарстан Республикасында Дәүләт хезмәт инспекциясенә, шулай ук судка һәм прокуратура органнарына мөрәҗәгать итәргә хокуклы.
Мәгълүмат өчен: 5.27. статья. «Хезмәт законнарын һәм хезмәт хокукы нормаларын үз эченә алган башка норматив хокукый актларны бозу» Административ хокук бозулар турында Россия Федерациясе кодексы.
Административ хокук бозулар турында Россия Федерациясе кодексының 5.27. статьясындагы 6 өлеше нигезендә хезмәт хакын, хезмәт мөнәсәбәтләре кысаларында башкарыла торган башка түләүләрне билгеләнгән срокта түләмәү яисә тулы булмаган түләү, әгәр әлеге гамәлләр җинаять җәзасына тартылмаган булса, йә хезмәт законнарында каралган күләмнән кимрәк күләмдә хезмәт хакын билгеләү,
-вазыйфаи затларга - ун меңнән егерме мең сумга кадәр, эшкуарлык эшчәнлеген юридик зат төземичә гамәлгә ашыручы затларга - бер меңнән биш мең сумга кадәр; юридик затларга - утыз меңнән алып илле мең сумга кадәр күләмдә административ штраф салынуга яисә кисәтүгә китерә.
Административ хокук бозулар турында Россия Федерациясе кодексының 5.27. статьясындагы 7 өлеше нигезендә 5.27 маддәсенең 6 өлешендә каралган административ хокук бозу кылган очракта элегрәк шундый хокук бозу өчен административ җәзага тартылган зат тарафыннан административ хокук бозу кылган булса,
-вазыйфаи затларга - егерме меңнән алып утыз мең сумга кадәр, яисә бер елдан өч елга кадәр дисквалификация күләмендә административ штраф салына; эшкуарлык эшчәнлеген юридик зат төземичә гамәлгә ашыручы затларга - ун меңнән алып утыз мең сумга кадәр; юридик затларга - илле меңнән алып йөз мең сумга кадәр.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз