Гражданнарның уяулыгы хуплана!
«Халык контроле» нә кергән хәбәрләр гражданлык позициясен күрсәтергә, кеше тормышына һәм сәламәтлегенә җитди зыян китерүче легаль булмаган продукция таралуны булдырмый калырга мөмкинлек бирәчәк. Һәм шунысы мөһим, мондый хәбәрләрнең авторларына законсыз рәвештә алкоголь җитештерү факты расланган һәр факт өчен матди бүләк биреләчәк. Сумма шактый-бер сумнан алып өч мең сумга кадәр. Моның өчен: - ТР Дәүләт хезмәтләре порталында теркәлергә / авторизацияләнергә кирәк https://uslugi.tatarstan.ru порталда теркәлү өчен uslugi.tatarstan.ru «теркәлү» төймәсенә басарга, кәрәзле телефон номерын кертергә, порталны куллану кагыйдәләре белән танышырга һәм, тиешле кырга галочка куеп, «теркәлергә»төймәсенә басарга кирәк. Пароль СМС буенча күрсәтелгән телефон номерына җибәреләчәк. Шуннан соң тиешле кырларга логин (телефон номеры) һәм пароль кертергә кирәк. Алга таба «Халык контроле» бүлегенә керергә һәм хокук бозу факты расланган очракта, Татарстан Республикасы территориясендә этил спирты, алкогольле һәм спиртлы продукция җитештерү һәм әйләнеше өлкәсендә закон бозу турында хәбәрнамә бирергә кирәк. Хәбәрнамәләрне «сәүдә кагыйдәләрен бозу», «Җәмәгать туклануы», «Этил спиртын, алкогольле һәм спиртлы продукцияне законсыз җитештерү һәм (яки) әйләнеше»категорияләре буенча җибәрергә мөмкин. Вәкаләтле вазыйфаи затлар тапшырылган вәкаләтләр кысаларында белдерүләрдә билгеләнгән хокук бозулар буенча тикшерү үткәрәләр. Закон бозу фактын раслаганнан соң, Татарстан Республикасы Дәүләт алкоголь инспекциясе гариза бирүчеләргә түләүләрне башкара.
Шәһәр һәм район халкына үзләренең шикаятьләрен һәм мөрәҗәгатьләрен Халык контроленә җибәрү үтенече белән мөрәҗәгать итәбез. Сезнең шикаятьләр каралачак!!
Татарстан Республикасы Дәүләт алкоголь инспекциясенең Чистай территориаль органы