Спас районыннан Бөек Ватан сугышында катнашучы юбилеен билгеләп үтте

Иске Рәҗәп авылында яшәүче Бөек Ватан сугышында катнашкан, Татарстан Республикасының атказанган укытучысы Зинәтулла Гыйзәтуллинга туксан биш яшь тулды.

Районда гына түгел, республикада да игелекле эшләре белән танылган ветеранны җирле мәдәният йортында хөрмәтләделәр. Тантаналарда район башлыгы Фәргать Мухаметов, ТР Дәүләт Советы депутаты Камил Нугаев, ТР Дәүләт Советы депутаты Фоат Вәлиевнең ярдәмчесе Гөлнара Гайфуллина, «Ватаным Татарстан» газетасының бүлек мөдире Камил Сәгъдәтшин, район мәгариф бүлеге начальнигы Александр Ермилин, район ветераннар советы рәисе Татьяна Бурумова, «Рассвет» социаль хезмәт күрсәтү үзәге директоры Светлана Гыйбадуллина һәм Иске Рәҗәп мәктәбендә берничә дистә ел белем алучы Зиннәтулла Гыйззәтуллин катнашты.

Юбилярга Россия Федерациясе Президенты Владимир Путинның котлау открыткасы, Дәүләт Советы Рәисе Фәрит Мөхәммәтшинның Рәхмәт хаты, күп кенә бүләкләр тапшырылды, аның адресына җылы сүзләр әйтелде.

Чыганак: "Яңа тормыш"