Санлы телевидениегә ничек күчәргә?
2019 елның 14 октябреннән Россиянең 21 регионында федераль каналлар күрсәтүдән туктый.
Заманча санлы телевидение сигналын кабул итү җайланмалары турында алдан кайгыртып куйган кешеләр 20 санлы телевизион канал кабул итә алачаклар. Аналоглы телевидениедә бары тик берничә федераль канал белән региональ канал гына калып торачак.
Аналог форматында федераль һәм региональ телевизион каналларны кабул итү мөмкинлеген югалтмыйча гына санлы телевидениегә ничек тоташырга була?
Санлы телевидение дециметрлы диапазонда DVB-T2 санлы телетапшырулар стандартында тапшыырла.
Төрле районнардагы региональ һәм муниципаль каналлар метрлы һәм дециметрлы диапазонда, икенче төрле әйткәндә, аналоглы һәм санлы форматта тапшырыла ала. аларны ничек кабул итәргә соң? Бу мәсьәләне хә итүнең иң яхшы ысулы – барлык дулкыннарны тота торган антенна. Аның ярдәмендә бер үк вакытта ике диапазонда сигналларны кабул итәргә мөмкин.
Күп фатирлы йортлар өчен исә иң оптималь вариант – йорт түбәсендәге коллектив антенна. Ул шулай ук берьюлы метрлы һәм дециметрлы дулкыннарны кабул итә ала. Уртак антеннаны тоташтыру өчен идарәче компаниягә яисә антенна паркына хезмәт күрсәтүче оешмага мөрәҗәгать итәргә кирәк.
Хәзерге вакыттан ук нәрсәләр эшләргә мөмкин?
Телеаидение экраннарында “А” хәрефе бармы-юкмы икәнен тикшерегез. Бу хәреф 10 аналог телеканалының логотибы янында була. Әгәр экранда “А” хәрефе булмаса, сез инде эфирда, кабель яки спутник телвидениесе аша санлы телеканалларны карыйсыз булып чыга. Сезгә телетапшыруларны карау өчен өстәмә приставка сатып алырга кирәк түгел.
Әгәр инде экранда “А” хәрефе күренә икән, санлы телевидениегә күчәргә вакыт. Моның өчен бернинди махсус белемнәр һәм күнекмәләр кирәкми.
Яңа стандарттагы телевидение сигналын кабул итү өчен, түбәндәгеләрне эшләргә кирәк:
– сезнең торак пунктта санлы эфир трансляциясенең булуы (моны сез карта.ртрс.рф сайтында тикшерә аласыз).
– DVB-T2 стандартын тотучы телевизор һәм дециметрлы диапазондагы антенна. Әгәр мондый җайланмалар булмаса, аларны сатып алырга кирәк (яңа телевизор урынына тиешле приставка гына сатып алырга була);
– санлы телвидение сигналын кабул итә башлау өчен телеканалларны автоматик эзләү режимын җибәрергә кирәк. Шулай ук телевизион каналларны кулдан да табарга була. моның өчен телевизион каналның ешлыгын яки номерын җыярга кирәк. Аны исә РТРС сайтының “Строительство сети цифрового ТВ” бүлегендә яисә карта.ртрс.рф сайтында белергә мөмкин.
Үзегезнең санлы телевидеие каналларын каравыгызны ничек аныкларга?
Моның өчен бер гади ысул бар: әгәр сез карый торган каналлар арасында “Карусель” каналы булса, сез санлы телевидениегә тоташкан, чөнки бу канал аналог форматында күрсәтми.