Башкалада булып кайттылар

2019 елның 5 апреле, җомга

Тармак технологияләре техникумыннан юнармиячеләр “Хәтер вахтасы-2019” республика акциясенең ачылу тантанасында катнашты.
Чара Казанның Җиңү паркындагы Мәңгелек ут янында булды. Аның кысаларында Татарстанның муниципаль районнарында 4 февральдән 26 мартка кадәр үткәрелгән “Хәтер вахтасы-2019” яшьләр походына йомгак ясалды. Акция Ленинградны фашист илбасарларыннан азат итүгә 75 ел тулуына һәм совет гаскәрләренең Әфганстаннан чыгарылуына 30 ел тулуга багышланды.
Аннары юнармиячеләр өчен Милли музейга экскурсия оештырылды.