Инвалидлар өчен реабилитация чараларын сатып алу барышын интернетта күзәтеп булачак
Иминиятләштерү фонды кәнәфи-арба, протез, абсорбент эчке кием, шифаханәгә юллама сатып алу турында белешмә урнаштырыла торган сайт ачты.
Чаллыда 6 мең чамасы инвалид эшкә урнаштыруга мохтаҗ
Быел Татарстанда инвалидларның 35 процентын эш белән тәэмин итү бурычы куелган
Гүзәл Яхинаның "Зөләйха күзләрен ача" китабы сукырлар өчен җайлаштырылып дөнья күргән
Чистайның картлар йортында инвалид пенсионерны гаиләгә яшәргә алырга телиләр
Татарстанның Социаль медицина экспертизасы хезмәткәрләрен ришвәт өчен хөкем итәләр
(Казан, 1 октябрь, "Татар-информ"). Татарстан кешеләре инвалидларга реабилитация өчен техник җиһазлар сатып алу барышын “Ачык контракт” сайтында күзәтә алачак. Проектның авторы – Социаль иминиятләштерү фонды. Бу хакта Татарстан Республикасы буенча Социаль иминиятләштерү фонды матбугат хезмәте хәбәр итә.
Порталда социаль иминият фондының, шулай ук Татарстан бүлекчәсенең дә, сатып алу эшчәнлеге турында белешмәне карап булачак. Сайтта контрактның башлангыч (максималь) бәясе миллион сумнан артык булган сатып алулар тәкъдим ителә. Гадәттә, сүз инвалидлар өчен реабилитация чаралары сатып алу турында бара. Бу кәнәфи-арба, таяк, протез, абсорбент эчке кием, шулай ук сәламәтлек мөмкинлекләре чикләнгән кешеләрне дәвалау өчен шифаханә-курортларга юллама булырга мөмкин.
Мәгълүматны һәркем күрә алачак. Ул алдан, ягъни дәүләт сатып алулары өчен килешү төзелгәнче урнаштырыла. “Ачык контракт” сайты дәүләт сатып алуларын ачык һәм нәтиҗәле итәр дип көтелә. Порталда теркәлгәннән соң, кулланучылар кызыксындырган сорауларын бирә һәм фикер алышуда катнаша алачак.