Җирле Совет депутатлары сайланды

Билгеле булганча, Куралово һәм Ким  авыл җирлекләрендә  өченче чакырылыш җирле Советларга депутатларны өстәмә сайлаулар үткәрелде.

Район территориаль сайлау комиссиясе хәбәр иткәнчә, сайлаулар үткәрелгән һәм дөрес дип табылган.

Тавыш бирү нәтиҗәләренә караганда, 2нче бер мандатлы сайлау округы буенча  Куралово авыл җирлеге Советына Украинский Максим Александрович сайланган, ул тавыш бирүдә катнашкан (аңа 32 сайлаучы, яки 71 процент)  сайлаучыларның иң күп тавышын җыйган.

6нчы бер мандатлы сайлау округы буенча Ким авыл җирлеге депутатлыгына теркәлгән  кандидат Подемирова Светлана Викторовна сайланды, ул тавыш бирүдә катнашкан сайлаучыларның иң күп тавышын  җыйган (аңа 49 сайлаучы, яки 92 процент).