Болгар музей-тыюлыгында туристлар компаниясе вәкилләре булып китте. Бу визит ТР туризм буенча Дәүләт комитеты ярдәмендә оештырылган реклама-мәгълүмат туры кысаларында үткәрелде.
Кунаклар борынгы шәһәрнең тарихи урыннары белән танышып чыктылар. Бу исә киләчәктә алар белән элемтәләр урнаштырырга, туристлар санын бермә-бер арттырырга ышаныч уята.
Шул ук көннәрдә БГИАМЗда “Места силы” тапшыруын төшерүче ТВ3 телеканалы операторлары килеп, булачак эфир өчен тиешле материаллар төшерделәр.