«ЛЕНТА» сәүдә челтәре белән тәэмин итү көне
Татарстан Республикасы сәнәгать һәм сәүдә министрлыгы җирле җитештерүчеләрнең продукциясен сату һәм аларның сәүдә челтәрләре киштәләрендә булуын киңәйтү максатларында «Лента» сәүдә челтәрен тәэмин итүчеләр көнен Татарстан Республикасы товар җитештерүчеләре белән уздыруны планлаштыра.
"Лента" – Россиядә алдынгы күп форматлы азык-төлек һәм FMCG ритейлеры. Компания гипермаркетлар, супермаркетлар, йорт янындагы кибетләр форматын үстерә. "Лента" Россиядә гипермаркетларның иң эре челтәре һәм керем буенча илнең иң эре азык-төлек ритейлерлары арасында дүртенче булып тора.
Чара барышында:
- товарларны дегустацияләүне оештыру;
- "Лента" сәүдә челтәре вәкилләренең товар җитештерүчеләр һәм тәэмин итүчеләр белән танышуы;
- җирле товар җитештерүчеләрнең продукциясен сатуга ярдәм итү.
Шулай ук сәүдә компаниясе вәкилләре тәэмин итүчеләргә куела торган төп таләпләр һәм үзара файдалы хезмәттәшлек перспективалары турында сөйләячәкләр.
Чара 2026 елның 11 июнендә 10:00 сәгатьтә түбәндәге адрес буенча узачак: Казан шәһәре, Пушкин ур., 18 йорт, Татарстан Республикасы Сәүдә-сәнәгать палатасы.
Чарада катнашуга гаризаны сылтама буенча калдырырга мөмкин:
https://minpromtorg-rt1.timepad.ru/event/3920589/
Шунысы мөһим: чарада катнашу – түләүсез, мәҗбүри теркәлү буенча.