Беренче курслар өчен онытылмаслык бәйрәм

Күптән түгел Спас тармак технологияләре техникумында беренче курс студентлары өчен бәйрәм оештырдылар.

Быел техникумның беренче курсына йөз алтмыш кеше укырга кергән һәм традиция буенча, аларны тантналы рәвештә сәламләделәр.

Техникумның үзешчән артистлары бәйрәмдә җырлар башкардылар, биеделеләр, юмористик әсәрләрне сәхнәләштереп күрсәттеләр. Беренче курс укучыларын техникум директоры Надежда Гришина котлады һәм һәр биш группаның кураторлары белән таныштырды.

Чара барышында спорт һәм интеллектуаль ярышларда, иҗтимагый акцияләрдә үзләрен күрсәткән студентларга бүләкләр тапшырдылар. Бәйрәм кичәсе дискотека белән тәмамланды.