Традицияләрне дәвам итеп

Традицияләрне дәвам итеп


Чистайда Татарстан беренчелегенә уздырылган бәйгедә 2000-2002 елларда туган яшь самбочылар әйбәт нәтиҗәләргә ирештеләр.

Турнирда йөздән артык спортчы катнашты. Полянкадан Арина Филюшина 59 килограммга кадәр үлчәү авырлыгында республика чемпионы исеменә лаек булды. Аңа кубок, медаль һәм диплом тапшырылды. Якташы Русалина Хәйруллина шул ук үлчәү авырлыгында көмеш медаль алды. Шәһәрдәге беренче урта мәктәп укучысы Раил Сәгыйров та 59 килограммга кадәрле спортчылар арасында икенче урынга чыкты.

Аларның барысы да, шулай ук дүртенче урын белән канәгатьләнгән Данил Кузьмичев шушы араларда Түбән Новгород өлкәсенең Кстово шәһәрендә үтәчәк Идел буе федераль округы беренчелегендә катнашу хокукына ия булдылар.