Иртәгә – алдынгылар слеты

Бу шимбәдә район халык хуҗалыгы алдынгыларының традицион слеты уздырылачак.

Район җитәкчеләре һәм килгән кунаклар механизаторлар, терлекчеләр, агрономнар, зоотехниклар, табиблар, укытучылар, бухгалтерлар, шоферлар, предприятие, оешма һәм хуҗалыклардан килгән вәкилләрне ирешкән уңышлары белән котлаячак. Әлбәттә инде, хезмәт алдынгыларына тантаналы шартларда дипломнар һәм премияләр дә тапшырылачак.
Үзешчән артистлар чыгышы да көтелә. Кыскасы, туган ягыбызны үстерүгә үзләреннән зур өлеш кертүчеләрне җыеп зур бәйрәм үткәреләчәк.