Болгар музей-тыюлыгы "Болгар осталары" инклюзив һөнәрчелек үзәге проектын тормышка ашыра
2024 елда «Cвет» хәйрия фондының «Искәрмәсез» Россия музейларында инклюзив практикалар үсеше ярдәмендә Болгар дәүләт тарихи-архитектура музей-тыюлыгы "Болгар осталары" инклюзив һөнәрчелек үзәге проектын гамәлгә ашыра.
8 июльдә мәхәббәт һәм тугрылык гаилә көнен бәйрәм итү кысаларында «Таң» халыкка социаль хезмәт күрсәтү комплекслы үзәге белгечләре Болгар музей тыюлыгы, балалар иҗаты йорты белән берлектә балигъ булмаган балалар, ата-аналар һәм көндезге төркемдә социаль хезмәт алучылар өчен «Без бергә» инклюзив интерактив-күңел ачу чарасы үткәрделәр.
Чара барышында 6 юнәлеш буенча мастер-класслар үткәрелде:
1. Сабын кайнату
2. Тал үрү
3. Чүлмәкчелек эше
4. Сәнгати бизәк
5. Туку һөнәре һәм тегү
6. Сәйлән үрү
Чарада катнашучыларның барысы да мастер-классларда актив катнаштылар, төрле материаллар белән эшләү күнекмәләренә ия булдылар.
Ахырда әлеге чара озын буйлы курчакны чакырып күңел ачу уеннары һәм биюләре белән дәвам итте.
Чараның партнерлары: Спас муниципаль районының «Рассвет» халыкка социаль хезмәт күрсәтү комплекслы үзәге һәм Спас районының «балалар иҗаты йорты» өстәмә белем бирү муниципаль бюджет мәгариф учреждениесе.