Балалар китапханәсендә “Татар халкының даһие” дигән исем астында кичә үткәрелде.

2025 елның 19 феврале, чәршәмбе

Татарстан 2025 елда татар галим-этнографы, әдәбиятчы һәм мәгърифәтче Каюм Насыйр тууына 200 ел тулуны бәйрәм итә. Каюм Насыйри татар әдәбияты тарихына берничә әдәби әсәр авторы буларак кереп кала. Ул озак вакыт фәнни, әдәби, педагогик эшчәнлек белән шөгыльләнә. Аның әдәби мирасында кыска хикәяләр, новеллалар һәм шигырьләр бар.

     2 нче мәктәпнең 6А сыйныфы укучылары өчен балалар китапханәсендә әлеге датага багышланган «татар халкының даһие» дигән кичә үткәрелде. Чара барышында китапханәче балаларны XIX гасырның күренекле мәгърифәтчесе биографиясе, иҗаты, әсәрләре белән таныштырды. Балалар бу темага видеороликлар, шулай ук К.Насыйриның «Абугалисин» әкияте буенча театральләштерелгән тамаша карадылар.