Мәктәпкәчә яшьтәге балалар өчен «Знайки – 2025» интеллектуаль олимпиадасы.
Интеллектуаль эшчәнлеккә сәләтле мәктәпкәчә яшьтәге балаларны ачыклау һәм бүләкләү, сәләтле балалар белән эшне камилләштерү максатларында 2025 елның 14 февралендә Болгар шәһәренең "Кояшкай" балалар бакчасы» МБББУ базасында мәктәпкәчә яшьтәге балалар өчен "Знайки – 2025" интеллектуаль олимпиадасы узды. Быел ул Ватанны саклаучылар елына, Бөек Ватан сугышында Җиңүнең 80 еллыгына багышлана.
Уенда “Родничок” балалар бакчасы”, “Колосок” балалар бакчасы, “Кояшкай” балалар бакчасы, “Теремок” балалар бакчасы, “Антошка” балалар бакчасы командалары катнашты. Болгар шәһәренең биш балалар бакчасыннан мәктәпкә әзерлек төркемнәре балалары Чуксина Е.А. һәм Әхтәмова З.М. белән бергә “Кояшкай” балалар бакчасы” МББББУ тәрбиячеләре белән күп кенә җиңел булмаган, әмма кызык сынаулар уздылар, үзләренең зирәклеген һәм белемнәрен күрсәттеләр. Һәр балалар бакчасы командасы 5 кешедән торган, үз исеме, эмблемасы, кием-салымында бердәм элементы булган.
Балалар «Әйдәгез танышыйк», «Мавыктыргыч математика», «Грамотеи», «Хәрби һөнәрләр», «Без татар телен беләбез һәм яратабыз», «Җырларда Бөек Ватан сугышы тарихы» бәйгеләрендә көч сынаштылар, анда балалар грамотага өйрәтү, өзекләрне үлчәү, татар телендә сөйләшү, хәрби һөнәрләр турындагы белемнәрен күрсәттеләр. Командалар Ватанны саклаучылар елына һәм Бөек Ватан сугышында Җиңүнең 80 еллыгына багышланган музыкаль номерлары белән гаҗәпләндерде. Балалар җырладылар, биеделәр, ә «Колосок» балалар бакчасы оркестр әзерләде.
Үтәлгән биремнәр нәтиҗәсендә җиңүчеләр һәм призерлар билгеләнде:
I урын - «Родничок» катнаш төрдәге балалар бакчасы» МББББУ командасы һәм «Кояшкай» балалар бакчасы» МБББМУ командасы:
II урын - «Теремок» МБББУ командасы;
III урын - «Колосок» балалар бакчасы» МББМУ командасы;
Җиңүчеләр һәм призерлар мәгариф бүлеге дипломнары белән бүләкләнде, “Антошка” МБББУ командасы актив катнашкан өчен рәхмәт белдерде. Барлык катнашучылар да бүләкләр алды.