Болгар ислам академиясендә тоткыннар белән эшләүче имамнар курслары ачылачак
Уртак эш турында академия ректоры Фәрхәд Хөснетдинов һәм «Ярд» фонды рәисе Алдар хәзрәт Баязитов фикер алыштылар.
Бүген, 15 гыйнварда, Болгар ислам академиясе ректоры Фәрхәд Хөснетдинов «Ярдам – Помощь» гомуммилли хәйрия фонды рәисе, ТР мөфтиенең социаль мәсьәләләр буенча киңәшчесе Илдар хәзрәт Баязитов белән очрашты. Очрашу кысаларында яклар бөтен Россия буенча тоткыннар арасыннан мөселманнар белән эшләячәк имамнар әзерләү буенча махсуслаштырылган курслар эшләү һәм гамәлгә кертү буенча уртак чаралар оештыру турында фикер алыштылар.
Әңгәмә барышында Болгар ислам академиясе базасында даими белем бирү семинарлары оештыру турында Карар кабул ителде. Бу кадрлар проблемасын хәл итеп кенә калмыйча, яңа фәнни тикшеренүләр өчен дә җимешләр бирәчәк. Ректор Фәрхәт Хөснетдинов сүзләренә караганда, Академия мондый курслар һәм семинарлар уздыру мәйданчыгын гына түгел, ә кадрлар әзерләүдә һәм белем бирү процессын эшләүдә дә ярдәм итәргә әзер.
Ике як та хөкем ителгәннәр белән рухи эшнең аеруча мөһимлеген билгеләп үтте, чөнки аларны төзәтү процессында нәкъ менә рухи-әхлакый тәрбия төп рольне уйный. Ислам кыйммәтләрен йөртергә сәләтле квалификацияле имамнар әзерләү әлеге процессның аерылгысыз өлеше булып тора.
Очрашу Болгар ислам академиясе һәм «Ярдам – Помощь» арасында иректән мәхрүм итү урыннарында мөселманнар белән эшләү өчен квалификацияле белгечләр әзерләүдә хезмәттәшлеккә мөһим адым булды.
Тулырак: https://spas-rt.ru/news/obschestvo/v-bolgarskoi-islamskoi-akademii-otkroiutsia-kursy-imamov-rabotaiushhix-s-zakliucennymi