Елның яшь сәнәгатьчеләре өчен ачык халык тавыш бирү башланды
«Елның яшь сәнәгатьчесе» Бөтенроссия премиясе сайтында ачык халык тавыш бирү башланды. Премиянең лонг-листына Татарстан компанияләренең биш җитәкчесе керде.
Татарстаннан иң яхшылар исеме өчен Антон Туркин, Александр Чумарзов, Айрат Харисов, Павел Малюшкин һәм Анна Рябова көрәшәчәк.
Тавыш бирү 25 июньгә кадәр дәвам итәчәк, дип хәбәр итә ТР сәнәгать һәм сәүдә министрлыгының Матбугат хезмәте.
Җиңүчеләр Россия Сәнәгать һәм сәүдә министрлыгының белем бирү стажировкаларында катнашу һәм ведомство ярдәмен алу мөмкинлеге алачак.
Җиңүчеләрне бүләкләү 8-11 июльдә Екатеринбургта узачак «ИННОПРОМ» халыкара сәнәгать күргәзмәсендә узачак.
«Елның яшь сәнәгатьчесе» Бөтенроссия премиясе 2024 елның гыйнварыннан июленә кадәр Россия төбәкләрендә урнашкан чыгару һәм эшкәртү сәнәгате предприятиеләренең топ-менеджерлары, оештыручылары һәм милекчеләре арасында үткәрелә. Конкурста 40 яшькә кадәрге предприятие җитәкчеләре катнаша ала, аларның еллык кереме 120 млн сумнан 2 млрд сумга кадәр һәм хезмәт коллективы 250 кешегә кадәр.
Премия Россия Федерациясе Сәнәгать һәм сәүдә министрлыгы ярдәме белән Россиянең Яшь сәнәгатьчеләре клубы тарафыннан үткәрелә.