Заманча техника ярдәм итә

Болгар Арыш” җәмгыяте тагын бер югары җитештерүчән “Джон Дир” ашлык җыю комбайны сатып алды. Аны Ямбакты авылыннан агрофирманың иң тәҗрибәле механизаторы Радик Мисалетдиновка бирделәр.



Хәзерге вакытта агрофирманың безнең районда шундый җиде машинасы бар. Биш “Тукано”дан башка безнең район басуларында чит илдә җыелган “Джон Дир” комбайны эшли. Хәзерге вакытта Россиядә бу чит ил комбайнының яңа модификациясе җыела, ул моның белән сыйфатын югалтмый. Комбайнның бездә җыелганы да нәкъ шундый ук: 9 метр киңлегендәге ургыч культураларны тиз арада җыеп алырга мөмкинлек бирә, бер сменага бункердан 80 тонна ашлык бушаталар. Аның ярдәмендә уңышны аеры ысул белән дә җыеп алырга мөмкин. Мондый машиналарны куллану югалтуларга юл куймый.

Вожи авылы янындагы эксперименталь басуларның берсендә агрофирма белгечләре моны үз күзләре белән күрделәр. Алдынгы технология белән үстерелгән көзге бодайның һәр гектары 40 центнер уңыш бирде, 300 гектарга якын мәйданнан 1200 тонна ашлык җыеп алдылар. Югары җитештерүчән комбайннардан файдалану суктыру эшләрен тиз һәм яхшы сыйфатлы алып барырга мөмкинлек бирде.

Югары уңыш алу өчен беренче чиратта барлык агротехника таләпләрен төгәл үтәргә кирәк. Көзге культуралар чәчү эшен соңга калдырырга ярамый. Дөрес, күп нәрсә һава торышына да карый. Дымлы туфракка чәчелгән орлыклар аеруча яхшы шытым бирә. Шуңа күрә кайбер хуҗалыкларда көзге культураларны шактый зур мәйданнарга чәчәләр һәм бу үзен аклый да.

Дөрес, башка басуларда бу кадәр югары уңыш булмас, шулай да ашлык җыю комбайннары никадәр күбрәк булса, шулкадәр яхшырак. Агрофирмадагы “Дон” комбайннары да эштә нык ярдәм итә, шулай да комбайннар паркын тагын да тулыландырырга кирәк. Әле генә алган “Джон Дир” комбайны эшне тизләтергә мөмкинлек бирәчәк.

Уңышны югалтуларсыз җыеп алу быелгы катлаулы шартларда аеруча мөһим. Бу турыда һәр механизатор яхшы белә. Яхшы итеп ышанычлы ремонтланган заманча техника моңа нык ярдәм итә.

Радик Мисалетдинов “Тукано”да суктыру буенча районда берничә ел алдынгылар рәтендә булды. Ул быел да анда эшләп алды һәм комбайн бункерыннан 400 тонна ашлык бушатты.

Агрофирма урып-җыю эшләренә өстәмә транспорт яллый. Хәзер аларга берничә “Рено” һәм “Вольво” йөк машиналары килде инде.