Икеайлык игълан ителде

Район башкарма комитеты карары белән, районда агымдагы елның 15 апреленнән 15 июненә кадәр, санитар-экология икеайлыгы игълан ителде.

Мондый карар ТР Министрлар Кабинеты күрсәтмәсе нигезендә, район территориясен санитария-эпидемиология һәм экология иминлеге таләпләренә җавап бирерлек хәлгә китерү максатында кабул ителде. Район башкарма комитеты каршында икеайлыкны үткәрүгә юнәлеш бирү өчен оператив штаб оештырылды. Алар чаралар планын расладылар.

Штаб әгъзалары бөтен кешегә үз территорияләрегезне тәртиптә тоту таләпләрен үтәргә кирәклеге турында тагын бер тапкыр исегезгә төшерә.