Шимбә көнне районда агач үсентеләре утырттылар
2016 елның 23 апреле, шимбә
Шимбә көнне үткән бу акциядә хезмәт коллективлары вәкилләре, укучылар катнашты.
Яшь агач үсентеләре Приволжск, Аграмак, Үрнәк һәм башка авыл тирәсендә, шулай ук урманнарда утыртылды. Акциядә Совет хезмәткәрләре, район, шәһәр һәм авыл башкарма комитеты, мәдәният бүлеге, БТИ, урман хуҗалыгы вәкилләре актив катнашты. Уртак тырышлык белән район территориясендә 3000 ылыслы һәм яфраклы агач – миләш, тирәк, нарат утыртылды. Агачлар тагын да күбрәк утыртылган булыр иде, ләкин халыкка көчле яңгыр комачаулады.
Гадәттәгечә, акциядә район башлыгы Камил Нугаев, башка җитәкчеләр дә катнашты.
Ә соңрак Совет, район һәм шәһәр башкарма комитеты хезмәткәрләре район башлыгы җитәкчелегендә шимбә өмәсенә чыктылар. Алар Рабига күле тирәләрен тәртипкә китерделәр. Чара барышында мондый өмәләрне мөмкин кадәр ешрак үткәрергә, анда халыкны күбрәк җәлеп итәргә тәкъдим ителде, чөнки бер кеше дә үзе ял итә торган, чистарта торган урынга чүп ташламый.
Мондый акцияләр бөтен республика буенча үтте, аларда югары дәрәҗәдәге җитәкчеләр һәм чиновниклар катнашты. Татарстан Президенты Рөстәм Миңнеханов тыгыз эш графигына карамастан, Казанның Адмиралтейство бистәсендә шимбә өмәсендә катнашу өчен вакыт тапты.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз