Район башлыгыннан бүләк – «Новая жизнь» газетасы

2015 елның икенче яртыеллыгына язылу кампаниясе 3 июльгә кадәр дәвам итә. Бу турыда “Татарстан почтасы”ның язылу бүлеге хәбәр итә.

Язылу срогы бераз озайтылса да, даими басмаларга язылуны ахыргы көнгә кадәр кичектерү дөрес үк булмас. Чөнки яраткан газета-журналлардан алган мәгълүматны безгә башка беркем дә бирә алмый.

Бүгенге көндә безнең “Новая жизнь” (“Яңа тормыш”) газетасына 2600 артык кеше язылган. Кампания ахырына кадәр газетага язылучылар саны бермә-бер артыр дип ышанабыз. Шунлыктан исегезгә төшерәбез, газетага хәзер почта бүлекләрендә, почтальоннарда, җәмәгать таратучыларында, ә шәһәр халкына – редакциянең үзенә килеп язылырга була (бу очракта ярты ел буе газетаны редакциядән үзеңә килеп алырга туры килә).

Редакция коллективы газетабызга язылырга мөмкинлек тапкан һәр кешегә рәхмәт белдерә, ә район җитәкчесе Камил Нугаев язылу кампаниясенә үзе өлеш кертә: ул шәһәрдә яшәүче биш хезмәт ветеранына бүләк итеп икенче яртыеллыкка “Новая жизнь” газетасына яздырган.