“Болгар” кафесында – украин кухнясы көне

Узган җомгада “Болгар” кафесы тамак ялгарга керүчеләрне һәм кунакларны украин ризыклары белән сыйлады.

Чара “Татарстан Республикасы территориясендә яшәүче халыкларның милли кухнясы көне” район конкурсы кысаларында үтте.

Украинча матур итеп киенгән официантлар табындагы ризыкларның үзенчәлеге, теге яки бу традицион ашларның барлыкка килү тарихы һәм пешерү серләре турында сөйләделәр. Тозлы кыяр һәм кәбестә, берничә төрле сало, варениклар, борщ һәм “Спас оптторгы” берләшмәсе осталары пешергән башка ризыкларга комиссия әгъзалары белән әлеге чарага чакырылган җәмәгать туклануы предприятиесе ветераннары да югары бәя бирде.