Теләк булса, зур эшләргә дә көч җитә...

Узган елның май аенда Әнвәр Хисаметдинов Танкеевка авылы янында ферма төзи башлый, хәзер инде яңа бинада 12 баш савым сыеры бар. Аның сүзләренә караганда, бу әле башы гына...
Әнвәр терлекчелек тармагына урау юллар белән килә. Кайчандыр ул сәүдә белән дә, пилмән ясау белән дә, башка эшләр белән дә шөгыльләнгән. Аннары үзен терлекчелектә сынап карарга була. Үз алдында шактый авыр бурыч торганын яхшы аңласа да, тәвәккәлләп, эшкә тотынган.

56 баш сыерга исәпләнгән ферманы тимер каркастан ясап, аны агач белән тышлый, җылыта. Нәтиҗәдә монда сөт суыткычка да, ярдәмче бүлмәләргә дә урын табыла. Бу эшләрнең барысын да хуҗалыкны үстерү өчен район җитәкчелеге бүлеп биргән 400 мең сум субсидия ярдәмендә тормышка ашыра. Моннан тыш, шулкадәр үк суммага кредит алып, терлекләр сатып ала. Билгеле, үз акчасын да шактый тотарга туры килә, тик сөт җитештерүне тиешле дәрәҗәгә куярга теләсәң, шунсыз берничек булмый.

Инде июнь аенда ук аның фермасы эшли башлый. Җәйге чорда эшләр шактый уңышлы бара, ә менә көзен терлек азыгы белән проблемалар килеп чыга.
Аңа Танкеевка фермеры Равил Бакиров ярдәм итеп, бурычка салам, печән, фураж бирә. Әнвәрнең ашлык тарттыру өчен үз тегермәне бар. Башка эшләрнең дә күбесен ул үзлегеннән башкара, шул исәптән савым аппараты яррдәмендә сыерлар да сава. Үз фермасында савылган һәм Дала Йорткүл, Урманасты Йорткүл, Урта Йорткүл шәхси хуҗалыкларыннан җыелган сөтне тапшырып бара (моның өчен аның махсус цистерналы УАЗы бар).

– Башлаган эшемне ташларга җыенмыйм, – ди Әнвәр. – Киресенчә, аны киңәйтергә җыенам, шуңа күрә быел тагын егерме баш терлек сатып алырга исәп тотам. Вакыт булса, чебиләр үстерергә дә исәп юк түгел, моның өчен инкубаторым да бар...

Аның фикеренчә, авыл хуҗалыгы аңа барлык мөмкинлекләрен, сәләтен эшкә җигеп, ышанычлы табыш алырга мөмкинлек бирә. Узган елның май аенда Әнвәр Хисаметдинов Танкеевка авылы янында ферма төзи башлый, хәзер инде яңа бинада 12 баш савым сыеры бар. Аның сүзләренә караганда, бу әле башы гына...
Әнвәр терлекчелек тармагына урау юллар белән килә. Кайчандыр ул сәүдә белән дә, пилмән ясау белән дә, башка эшләр белән дә шөгыльләнгән. Аннары үзен терлекчелектә сынап карарга була. Үз алдында шактый авыр бурыч торганын яхшы аңласа да, тәвәккәлләп, эшкә тотынган.

56 баш сыерга исәпләнгән ферманы тимер каркастан ясап, аны агач белән тышлый, җылыта. Нәтиҗәдә монда сөт суыткычка да, ярдәмче бүлмәләргә дә урын табыла. Бу эшләрнең барысын да хуҗалыкны үстерү өчен район җитәкчелеге бүлеп биргән 400 мең сум субсидия ярдәмендә тормышка ашыра. Моннан тыш, шулкадәр үк суммага кредит алып, терлекләр сатып ала. Билгеле, үз акчасын да шактый тотарга туры килә, тик сөт җитештерүне тиешле дәрәҗәгә куярга теләсәң, шунсыз берничек булмый.

Инде июнь аенда ук аның фермасы эшли башлый. Җәйге чорда эшләр шактый уңышлы бара, ә менә көзен терлек азыгы белән проблемалар килеп чыга.
Аңа Танкеевка фермеры Равил Бакиров ярдәм итеп, бурычка салам, печән, фураж бирә. Әнвәрнең ашлык тарттыру өчен үз тегермәне бар. Башка эшләрнең дә күбесен ул үзлегеннән башкара, шул исәптән савым аппараты яррдәмендә сыерлар да сава. Үз фермасында савылган һәм Дала Йорткүл, Урманасты Йорткүл, Урта Йорткүл шәхси хуҗалыкларыннан җыелган сөтне тапшырып бара (моның өчен аның махсус цистерналы УАЗы бар).

– Башлаган эшемне ташларга җыенмыйм, – ди Әнвәр. – Киресенчә, аны киңәйтергә җыенам, шуңа күрә быел тагын егерме баш терлек сатып алырга исәп тотам. Вакыт булса, чебиләр үстерергә дә исәп юк түгел, моның өчен инкубаторым да бар...

Аның фикеренчә, авыл хуҗалыгы аңа барлык мөмкинлекләрен, сәләтен эшкә җигеп, ышанычлы табыш алырга мөмкинлек бирә.