Уңышлы чыгыш ясадылар

Оренбург өлкәсенең Соль-Илецк шәһәрендә 1999-2000 елларда туучы яшүсмерләр арасында үткәрелгән дүртенче Бөтенроссия ярышларында шәһәрдәге спорт мәктәбе тренеры Владимир Борюшкин шәкертләре уңышлы чыгыш ясадылар.

Турнир Советлар Союзы Герое сугышчы-интернационалист Вячеслав Александров истәлегенә багышланды.

Беренче шәһәр урта мәктәбе укучысы Раил Сәгыйров 60 килограммга кадәр авырлык үлчәвендә өченче урынны алып, медальгә һәм кыйммәтле бүләккә лаек булды. 2нче мәктәп укучысы Данил Кузьмичевка имгәнүе генә призер булырга комачаулады: 40 килограммга кадәр авырлык үлчәвендә ярышучылар арасында ул дүртенче булды.