Балигъ булмаган затларга спиртлы һәм энергетик эчемлекләр саткан өчен җаваплылык

«Административ хокук бозулар турында Россия Федерациясе кодексының» 2001 елның 30 декабрендәге 195-ФЗ номерлы 14.16 маддәсе (2019 елның 14 июлендәге редакциясе) балигъ булмаган затларга спиртлы эчемлекләр саткан өчен җаваплылык каралган.

ФЗ-171нең 2 маддәсе нигезендә спиртлы эчемлекләр категориясенә 0,5% этил спирты яки аны әчетү продуктлары булган эчемлекләр керә.

Балигъ булмаганнарга алкоголь сату турындагы канун түбәндәге чигенешкә ия – алкоголь продукциясе исемлегенә 1,2% тан артык булмаган спирт булган эчемлекләр керми. Монда әче сөт продукциясен, квас, тан, кымыз кертергә кирәк. Шулай ук, закон тәэсире астына алкогольсез сыра эләкми, чөнки анда этанол проценты 0,5% тан кимрәк.

Әлеге статьяның 2.1 пункты нигезендә балигъ булмаганнарга алкоголь продукциясен ваклап сату, әгәр бу гамәлдә җинаять җәзасы бирелми икән, гражданнарга административ штраф салуга китерә:

30000 сум - 50000 сум – шәхси эшмәкәрләр өчен;

Юридик затлар өчен 300000 сум - 500000 сум.

Әгәр штраф салынганнан соң оешма 180 көн эчендә кабат бозуга юл куйса, җаваплы затка карата җинаять җаваплылыгы башлана.

РФ Җинаять Кодексының «Балигъ булмаганнарга алкоголь продукциясен ваклап сату» 151.1 маддәсе (ФЗ редакциясендә 31.12.2014 №529-ФЗ) нигезендә хокукка каршы гамәл берничә мәртәбә кылынса, хокук бозучыга карата 50 000 сумнан 80 000 сумга кадәр штраф түләү яки 1 елга кадәр мәҗбүри эшләр каралган..

Үзенең балигъ булуына шик тудырган затка алкоголь сатканчы, сатучы мәҗбүри рәвештә сатып алучының яшен раслый торган документ: паспорт; хәрби билет яки яшәүгә рөхсәт/торуга рөхсәт таләп итәргә тиеш, - бу киләчәктә тискәре нәтиҗәләрне булдырмаска мөмкинлек бирәчәк.

14.16.1 маддә "Административ хокук бозулар турында Россия Федерациясе кодексыя" (07.06.2025 елгы 149-ФЗ номерлы Федераль закон белән кертелгән) балигъ булмаганнарга алкогольсез тонизиручы эчемлек (шул исәптән энергетик) саткан өчен җаваплылык күздә тота.

- гражданнарга - утыз мең сумнан илле мең сумга кадәр; вазыйфаи затларга-йөз мең сумнан ике йөз мең сумга кадәр; юридик затларга-өч йөз мең сумнан биш йөз мең сумга кадәр административ штраф салуга китерә.

Татарстан Республикасы Дәүләт алкоголь инспекциясенең Чистай территориаль органы