Бадминтон буенча яңа ел турниры
Татарстанда кыш-кар һәм салкын гына түгел, ул чын тылсым чоры!
28 декабрьдә "Олимп" спорт мәктәбендә бәйрәм рухы хөкем сөрде – биредә бадминтон буенча яңа ел турниры узды. Яшь талантлар, егетләр һәм кызлар "Татарстанда Кыш" проекты кысаларында үзләренең осталыкларын күрсәттеләр.
Чара күңелле һәм истә калырлык ачылыштан башланды. Төп кунак Кыш бабай үзе булды, аңа яшь спортчылар рәхәтләнеп шигырьләр укыдылар.
Катнашучыларга спорт мәктәбе директоры Сәгыйров Илнур Минһәриф улы һәм Иске Май районы спорт оешмасы җитәкчесе Заһидуллин Рәшид Рамазан улы җылы сүзләр белән мөрәҗәгать иттеләр.
Мавыктыргыч бәйгеләрдә 45 тән артык яшь бадминтончы катнашты, аларга әти-әниләре актив ярдәм итте. Турнир тәмамлангач, һәр спортчы лаеклы грамоталар һәм медальләр белән бүләкләнде, шулай ук Кыш Бабайдан татлы бүләкләр алды.