Креатив индустрияләр өлкәсендә V Россия милли премиясен уздыру турында
2025 елның 24 октябреннән 16 ноябренә кадәр креатив индустрияләр өлкәсендә V Россия Милли Премиясенә (алга таба – Премия) гаризалар кабул ителә, аны Россия Федерациясе Президенты Администрациясе ярдәмендә «креатив икътисад» автоном коммерциягә карамаган оешмасы (алга таба – «креатив икътисад» АКО) оештыра.
Премия бишенче тапкыр уздырыла һәм Россия Федерациясе икътисадының әлеге секторы үсешенә сизелерлек йогынты ясаган иң яхшы регионнарны һәм шәһәрләрне, шулай ук иң уңышлы компанияләрне, проектларны һәм практикаларны ачыклау өчен креатив икътисад өлкәсендә төп бүләк булып тора. Премия икътисадның барлык сегментларын капитализацияләүгә йогынты ясый торган милли креатив индустрияләрне популярлаштыру хисабына актуальлек ала.
Сезне катнашырга чакырабыз. Премиядә катнашуга заявкалар унбер номинация буенча (1 нче кушымта) рәсми сайтта (https://rc-awards.ru).
"Таткультресурсүзәк" ДБУдан элемтә өчен-Симашова Ләйсән Равил кызы, +7 (917) 937-39-39, электрон почта адресы: Lyaysan.Simashova@tatar.ru.
Премия Номинацияләре
1. Креатив төбәк. Иҗтимагый инициативалар, инфраструктура һәм идарә итү карарлары креатив индустрияләр үсешенә сизелерлек йогынты ясаган һәм башка регионнар өчен үрнәк булган Россия Федерациясе субъектына бирелә.
2. Креатив вакыйга. Россия икътисадының креатив секторы үсешенә сизелерлек йогынты ясаган вакыйгага (концертлар, фестивальләр, тамашалар, күргәзмәләр, төрле форматтагы эшлекле һәм социомәдәни чаралар, шул исәптән онлайн һәм гибрид форматлар) бирелә.
3. Креатив инновацияләр. Россия икътисадының креатив секторында инновацион продуктлар/карарлар булдыру өчен яңа/перспектив технологияләр эшләгән һәм гамәлгә керткән оешмаларга/проектларга бирелә.
4. Мәдәни код. Россия җәмгыятенең мәдәни кодын һәм кыйммәтләрен ныгытуга һәм үстерүгә юнәлдерелгән креатив проект өчен компания/оешма/ физик затка бирелә.
5. Агрокреаномика. Тормыш сыйфатын яхшыртуга һәм авыл территорияләренең креатив потенциалын ачуга юнәлдерелгән креатив проект/инициативага бирелә.
6. Креатив интеграция. Икътисадның традицион секторларында эшчәнлек алып баручы, әмма креатив чишелешләр кулланучы яки креатив проектлар һәм эксперименталь алымнар кертүче компанияләргә/оешмаларга/ физик затларга бирелә. 7. Креатив тренд. Компаниягә, проектка яки физик затка Россия креатив икътисады өлкәсендә яңа агым, куыш, тренд булдырган өчен бирелә.
8. Йогынты импульсы. Компаниягә/ оешмага / физик затка югары социаль әһәмиятле нәтиҗәле креатив проект өчен бирелә.
9. Глобаль креаномика. Креатив индустрияләр өлкәсендә халыкара кооперацияне ныгытуга һәм үстерүгә йогынты ясаган оешмага, проектка бирелә.
10. Креаномикада компетенцияләр. Креатив индустрияләрне үстерүгә юнәлдерелгән яңа белем бирү проектларына /инициативаларга бирелә.
11. Креатив шәһәр. Креатив проектларны һәм инициативаларны гамәлгә ашыру территория һәм креатив сектор үсешенә сизелерлек йогынты ясаган территорияләргә (шәһәрләргә, Кече шәһәрләргә, торак пунктларга, креатив кластерларга) бирелә.