«Геройлар исемнәрен хәтерлибез» Ватан Геройлары көненә багышланган чара
2023елның 7 декабрендә Үзәк модельләр китапханәсендә Карпов исемендәге кадетлар мәктәбе укучылары өчен Ватан Геройлары көненә багышланган чара узды, ул илебездә ел саен 9 декабрьдә билгеләп үтелә.
Әлеге бәйрәм үз тарихын 18 гасырдан алып бара. Бу дата императрица Екатерина II идарә дәверенең күренекле вакыйгасына багышланган - 1769 елда ул Изге Георгий Победоносец орденын гамәлгә куя. Ул елларда бу орден белән сугышта батырлык, кыюлык күрсәткән сугышчылар бүләкләнде. 2007 елдан геройлар көнен бәйрәм итү традициясен яңадан торгыздылар - бу каһарман бабаларыбызны искә алу гына түгел, ә хәзер яшәүче Геройларны хөрмәтләү дә.
Чара барышында мәктәп укучылары белән герой һәм батырлык төшенчәсе турында фикер алыштылар. Төрле фикерләр яңгырады: батырлык, кемне дә булса коткарганда, үз куркуыңны җиңгәндә, Ватаныңны саклаганда; спортта җиңгәндә батырлыкмы, юкмы дип бәхәсләштеләр…
Балалар презентацияне карадылар һәм истәлекле көннең тарихы һәм традицияләре белән таныштылар, Изге Георгий ордены белән бүләкләнгән кайбер россиялеләр – Михаил Кутузов, Михаил Барклай-де-Толли турында белделәр. Якташларыбыз, Советлар Союзы Геройлары Карпов П.А., Беркутов А.М., Башкиров А. И., Лихачев П. Т., Гурьянов П. Я., Машанин Г. М., Спирьков С. П., Зотов Н. И. турында хикәягә аерым игътибар бирелә. Мингалиев Марат Гәрәевич һәм Зинатуллин Рәис Раил улы турындагы хикәя балаларда көчле эмоциональ реакция уятты.
Россия Геройлары һәм аларның батырлыклары күп. Үткән геройларны гына түгел, ә хәзерге вакытта яшәүчеләрне, киләчәк буыннарга тормыш бирүчеләрне дә истә тотарга һәм белергә кирәк. Шул вакытта гына без чын мәгънәсендә бөек держава була алабыз, барлык геройларыбызга лаеклы.