Татарстан Республикасында шәһәр билгеләрендә, юл күрсәткечләрендә һәм татар телендә язылган такталарда хаталарны ачыклау буенча конкурс игълан ителде.
Татарстан Республикасында шәһәр билгеләрендә, юл күрсәткечләрендә һәм татар телендә язылган такталарда хаталарны ачыклау буенча конкурс игълан ителде. Гаризалар 2023 елның 1 ноябренә кадәр кабул ителә. Конкурс Татарстан Республикасы территориясендә яшәүче халыкларның милли мәдәнияте элементларын куллануны популярлаштыруга юнәлдерелгән.
Фотоларны ТР «Халык контроле»дәүләт мәгълүмат системасы аша җибәрергә мөмкин. Моның өчен iOS яки Android операцион системаларын хуплаучы телефонга мобиль кушымта урнаштырырга, аннары авторизацияләнергә һәм «исемнәрдә һәм язуларда хаталар»категориясен сайларга кирәк. Конкурста катнашу өчен тулы элмә тактадагы фотоматериаллар белән төгәл адресны күрсәтеп хәбәр җибәрергә кирәк. Конкурсны оештыручы-Татарстан Республикасында Кеше хокуклары буенча вәкаләтле вәкилгә электрон адреска язма рәвештә дә мөрәҗәгать итәргә мөмкин: Konkurs.TatOmbudsman@tatar.ru. Шулай ук хатларны конкурс модераторына Тел, әдәбият һәм сәнгать институтына җибәрергә мөмкин. Г. Ибраһимов исемендәге Татарстан Республикасы Фәннәр Академиясенең электрон адресына: iyali.anrt@mail.ru. конкурс җиңүчеләрен берничә номинациядә билгеләячәкләр, бүләкләү тантанасы 2023 елның IV кварталында узачак.