Бөтендөнья кулланучылар хокукларын яклау көне
Бөтендөнья кулланучылар хокукларын яклау көне
15 мартта халыкара җәмәгатьчелек Бөтендөнья кулланучылар хокукларын яклау көнен билгеләп үтә. Быел бәйрәм девиз астында узачак - "Экологик чиста энергия һәм продукциягә күчү юлы белән кулланучылар хокукларын һәм мөмкинлекләрен киңәйтү".
Азык-төлек продуктларының һәм энергиянең бик тиз үсә барган бәясе бөтен дөньяда кешеләргә йогынты ясый, нәтиҗәдә миллионлаган кеше ярлылык чигендә калырга мөмкин. Соңгы буын өчен тормыш бәясенең иң җитди кризисы шартларында һәм энергетика дөньясы климат белән бәйле проблемаларга кискен җавап биргән шартларда, Халыкара кулланучылар оешмасы кулланучылар өчен гадел күчешне тәэмин итүдә төп рольне күрә.
Әлеге тема Россия Федерациясе Хөкүмәтенең 2020елның 09 июнендәге 1523-р күрсәтмәсе белән расланган 2035 елга кадәр Россия Федерациясе Энергетика стратегиясе белән килештерелә.
Бу теманың максаты - экологик чиста товарларны алга сөрү буенча карарлар кабул итүгә кулланучыларны җәлеп итү.
Шуңа бәйле рәвештә, мартның беренче яртысында Татарстан Республикасы Дәүләт алкоголь инспекциясенең Чистай территориаль органы белгечләре, башка ведомстволар белән берлектә, кулланучылар һәм хуҗалык субъектлары өчен төрле чаралар уздырачак. Бу - халыкның социаль яктан зәгыйфь катламнары өчен өйрәнүче лекцияләр һәм «экологик чиста энергиягә һәм продукциягә күчү юлы белән кулланучылар хокукларын һәм мөмкинлекләрен киңәйтү» темасы буенча сорауларны карау белән мәгариф учреждениеләре укучылары өчен факультатив дәресләр. Халыкның кулланучылар белемен күтәрү максатында белгечләр консультация өстәлләре һәм дежурстволары оештырачак. 2023 елның 10 мартында кизү тору графигы буенча 14.00 сәгатьтән 17.00 сәгатькә кадәр төрле ведомстволар һәм оешмалар белгечләре тарафыннан күпфункцияле үзәктә (Болгар шәһәре, Х.Шеронов урамы, 2а) урнашкан гражданнарга консультация бирү үткәреләчәк.
Хуҗалык итүче субъектлар өчен 2023елның 10 мартында Татарстан Республикасы Спас муниципаль районы башкарма комитетының актлар залында кулланучылар хокукларын яклау өлкәсендә законнарны аңлату буенча укыту семинары оештырылачак: «Экологик чиста энергия һәм продукциягә күчү юлы белән кулланучылар хокукларын һәм мөмкинлекләрен киңәйтү».
17 мартта Татарстан Республикасы Дәүләт алкоголь инспекциясенең Чистай территориаль органы телефоны буенча “Кайнар линия” оештырылачагы турында гражданнарның игътибарын җәлеп итәбез. Спас районы халкы 3-13-42 номеры буенча консультация алу мөмкинлегенә ия булачак.
Татарстан Республикасы Дәүләт алкоголь инспекциясенең Чистай территориаль органы