2023 елда яшьләр сәясәте өлкәсендә социаль әһәмиятле проектларны гамәлгә ашыруга физик затларга Татарстан Республикасы бюджетыннан субсидияләр рәвешендә грантлар бирү буенча Конкурс.
Татарстан Республикасы Министрлар Кабинетының 2022 елның 19 гыйнварындагы 29 номерлы Карарын үтәү максатыннан Татарстан Республикасы Яшьләр эшләре министрлыгы (алга таба – министрлык) 2023 елда яшьләр сәясәте өлкәсендә социаль әһәмиятле проектларны гамәлгә ашыруга физик затларга Татарстан Республикасы бюджетыннан субсидияләр рәвешендә грантлар бирү буенча Конкурс (алга таба – Конкурс) гамәлгә ашыра. Конкурсның максаты-проектларга ярдәм итү, яшьләрне Татарстан Республикасының социаль һәм икътисадый тормышында актив катнашуга җәлеп итү, яшь гражданнарның тормыш сыйфатын күтәрү өчен шартлар тудыру.
Конкурста Татарстан Республикасы территориясендә яшәүче 18-35 яшьлек яшьләр катнаша ала. Конкурсның гомуми фонды -7 млн сум. Конкурста җиңүчеләр яшьләр сәясәте өлкәсендәге проектны гамәлгә ашыруга 300 мең сумга кадәр грант рәвешендә ярдәм алачак. Конкурс 14 номинация буенча үткәрелә (исемлек бирелә). Конкурска гаризалар 2023 елның 2 мартына кадәр «Минем субсидияләр» мәгълүмат системасы аша кабул ителә
(https://subsidiya.tatarstan.ru/landing).