Болгар шәһәрендә яшьләр өчен "Игелекле Болгар"квест-уены узды.
2022 елның 21 апрелендә Болгар шәһәрендә Спас муниципаль районы Башкарма комитетының яшьләр эшләре, спорт һәм туризм бүлеге, Спас муниципаль районы Советы каршындагы Яшьләр парламенты белән берлектә, яшьләр өчен "Игелекле Болгар"квест-уены оештырды.
Квестта төрле командалардан: Болгарның 1 нче урта мәктәп, Яшьләр парламенты, Спас техникумы, "Атас" эшче яшьләре катнашты. Квест нәтиҗәләре буенча 1 урынны Яшьләр парламенты командасы, 2 урынны - Болгарның 1 нче мәктәбе, 3 урынны Спас техникумы яулады. Квест җиңүчеләре кубок, диплом һәм 5 мең сум күләмендә акчалата сертификат, призерлар дипломнар һәм 3 мең,2 мең сум күләмендә акчалата сертификатлар белән бүләкләнделәр. Отылган барлык акчаларны катнашучылар "Язгы игелек атнасы" кысаларында аз керемле гаиләләргә һәм пенсионерларга ирекле рәвештә ярдәм итүгә юнәлдерделәр.