Район мәдәният йортында ата-аналар комитетларының "Тату сыйныф серләре" дигән республика конкурсының зона этабы узды.
Дүрт команда катнашты: «Кече-Елга урта гомуми белем мәктәбе» (Лаеш районы), «Биләр урта мәктәбе» муниципаль бюджет мәгариф учреждениесе (Алексеевск районы), «1 нче Болгар урта мәктәбе» муниципаль бюджет мәгариф учреждениесе (Спас районы), «Хузангай урта мәктәбе» муниципаль бюджет мәгариф учреждениесе (Әлки районы).
Катнашучыларны «Спас муниципаль районы Башкарма комитетының мәгариф бүлеге» МУ башлыгы А.Н. Ермилин һәм Татарстан Республикасы Мәгариф һәм фән министрлыгының балаларга өстәмә белем бирү бүлеге башлыгы А.Р. Кашапова сәламләде.
"Бу конкурс күптәннән иҗади ачышлар, педагогик илһам һәм осталык белән тулы бәйрәмгә әверелде. Белем, хезмәт, сәнгать һәм иҗат сезнең тугры союздашларыгыз булып конкурс сынаулары вакытында гына түгел, сезнең мәктәптә укыганда да торсын. Уңышлар сезгә. Бүген сез барыгызда җиңүчеләр", - дип теләде кунаклар.
Конкурсантлар жюрига визит карточкасын тәкъдим иттеләр, иҗади проектны якладылар, шулай ук гомуми мавыгулар, мәнфәгатьләр һәм казанышлар күргәзмәсе ясадылар.
Конкурс нәтиҗәләре буенча, 1 нче Болгар урта мәктәбе командасы икенче урынны алды, бу аңа 15 майда Казан шәһәрендә узачак "Тату сыйныф серләре" конкурсының финалында катнашу хокукы бирә.