Спас муниципаль районы Болгар шәһәренең «Антошка» балалар бакчасында «Без төрле, әмма без бер гаилә»дип исемләнгән бәйрәм узды.
Туган телләр һәм халык бердәмлеге елына йомгак ясауга багышланган бәйрәмдә балалар бакчасында тәрбияләнүчеләр генә түгел, Спас муниципаль районы башлыгы Фәргать Вәгыйз улы Мөхәммәтов, “Татарстан Республикасы Спас муниципаль районы Башкарма комитетының мәгариф бүлеге” МУ башлыгы Александр Николаевич Ермилин, мәктәпкәчә мәгариф учреждениеләре педагоглары катнашты.
Галина Владимировна Шалашова, “Антошка” балалар бакчасы” МБББУ мөдире Грантны тормышка ашыру турында хисап тотты. “Антошка” балалар бакчасы “Татарстан Республикасы территориясендә яшәүче халыкларның телләрен, гореф-гадәтләрен, мәдәниятен саклауга һәм үстерүгә юнәлдерелгән проектларны гамәлгә ашыруда муниципаль мәктәпкәчә мәгариф оешмаларына һәм муниципаль гомуми белем бирү оешмаларына ярдәм” грантын алуга республика конкурсында җиңүче булып тора. 500 мең сум грант алгач, балалар бакчасы интерактив җиһазлар, балалар әдәбияты, костюмнар белән тулыланган.
Бәйрәмдә “Сәяр” балалар театрлары конкурсының “Родничок” балалар бакчасы театр коллективларына (җитәкчесе Рахимова Гөлназ Рафасовна) һәм “Солнышко” балалар бакчасы театр коллективларына (җитәкчесе Әхтәмова З.М.) республика конкурсы сертификатлары тапшырылды.
“Мин татарча сөйлим һәм эшлим - 2021” муниципаль бәйгесе призерларының мәгариф бүлеге Грамоталары һәм бүләк сертификатлары белән бүләкләнде: Хәмидуллина Л.С., 1 урынны алган “Чишмәкәй” МБББУ тәрбиячесе Фәсхетдинова С.В., "Колосок” МББУ тәрбиячесе Волкова И.А., 2 урынны алган “Теремок” балалар бакчасы логопеды.
Мәгариф бүлеге Грамоталары белән “Чишмәкәй” балалар бакчасы (мөдире С.Г. Перегудова) һәм “Антошка” балалар бакчасы” МББМУ (мөдире Шалашова Г.В.) туган телләр һәм халык бердәмлеге елына багышланган конкурсларда һәм чараларда актив катнашканнары өчен билгеләп үтелде.
«Антошка» балалар бакчасында тәрбияләнүчеләр төрле халыклар костюмнарында кунакларны рус һәм татар телләрендә шигырьләр, җырлар белән сәламләделәр, алар белән «Түбәтәй» милли уенын уйнадылар, кунакларга Татарстан Республикасында яшәүче төрле милләт ашларын тәкъдим иттеләр.