ЯҢАЛЫКЛАР

1 майдан минималь хезмәт хакы 11 мең 163 сумны тәшкил итәчәк.

(Казан, 23 апрель, “Татар-информ”, Чулпан Шакирова). Татарстанда 2018 елның 1 маеннан хезмәт хаклары арта. Федераль закон нигезендә билгеләнгән минималь хезмәт хакы түләве 11 мең 163 сумны тәшкил итә. Әлеге яңалык республиканың бюджет өлкәсендә эшләүче 90 мең хезмәткәренә кагылачак. Барлык чыгымнар 1,5 млрд сумга җитә. Бу хакта бүген “Татар-информ”да узган матбугат очрашуында ТР Социаль яклау министры Эльмира Зарипова сөйләде.