«Фән + китапханә» медиадәресе
Яңа уку елының беренче көнендә 2 нче мәктәпнең 11 нче сыйныф укучылары Россия фәне һәм китапханә эшендә яңа технологияләр куллану турында «фән + Китапханә» дигән танып - белү программасында катнаштылар.
Алып баручы танып-белү видеороликлары, презентацияләр ярдәмендә укучыларны Россия фәне тарихы, илебез һәм республика горурлана торган галимнәрнең казанышлары һәм исемнәре белән таныштырды, фән һәм технологияләр өлкәсендә дәүләт тарафыннан гамәлгә ашырыла торган инициативаларны тәкъдим итте. Шулай ук «Бөек фәнни ачышлар»дигән интерактив викторина да әзерләнгән. Үзәк модель китапханәсе мисалында балалар яңа китапханә технологияләре белән дә таныштылар: электрон китап бирү, виртуаль чынбарлык, планетарий, яңа технологик җиһазлар.
Чара әдәбиятка күзәтү белән тәмамланды, ул, оештыручылар фикеренчә, яшьләр арасында фәнни - популяр әдәбиятны алга этәрүгә ярдәм итәчәк.