«Кадрлар резервы» республика яшьләр проектында катнашырга чакырабыз
2009 елдан Татарстан Республикасы Яшьләр эшләре министрлыгы “Татарстан Республикасының иҗат яшьләре академиясе” төбәк иҗтимагый оешмасы белән берлектә “Кадрлар резервы” республика яшьләр проектын (алга таба - Проект) уздыра. Проектаның максаты - яшь лидерларны сайлап алу, укыту һәм озатып бару системасын формалаштыру, яшьләрнең социаль әһәмияткә ия чараларда һәм төрле дәрәҗәдәге программаларда катнашуын активлаштыру, яшь кадрларның эшлекле һәм шәхси сыйфатларын үстерү һәм аларны алга таба төрле иҗтимагый өлкәләрдә алга җибәрү.
«Кадрлар резервы» - Татарстан Республикасы яшьләрен үз-үзләрен тормышка ашыру өчен шартлар тудыра, хезмәт һәм белем бирү мобильлеген стимуллаштыра һәм яшь гражданнарның Татарстан Республикасы дәүләт хакимияте органнары вәкилләре белән үзара хезмәттәшлегенә ярдәм итә торган озак сроклы үсеш программасы.
Ел саен Проектта Татарстан Республикасы территориясендә 16 яшьтән 30 яшькә кадәрге барлык социаль-демографик төркемнәр вәкилләре катнаша. Аларны сайлап алуның төп этаплары (тестлаштыру, көнүзәк әңгәмә) мотивацияне, тәҗрибә булуны, шәхси казанышларны, дәгъвачыларның эшлекле сыйфатларын билгеләргә һәм катнашучылар составын формалаштырырга мөмкинлек бирә. Белем бирү процессы төп һәм дистанцион этаплардан тора.