Ольга Павлова Спас районында гражданнарны онлайн-кабул итте
“Бердәм Россия” партиясенең җирле иҗтимагый кабул итү бүлмәсендә бүген Россия Федерациясе Дәүләт Думасы депутаты Ольга Павлова тарафыннан шәхси мәсьәләләр буенча гражданнарны онлайн-кабул итү узды.
Депутатка 4 кеше мөрәҗәгать итте, сораулар гражданнарның аерым категорияләрен торакка чиратка кую, юллар төзү, пособиеләр түләү һәм башкалар турында иде.
Район халкы Вожи авылындагы зиратка керү юлын төзү мәсьәләсе буенча беренче тапкыр гына мөрәҗәгать итми. Бу сорау белән республика Президентына районның элеккеге башлыгы Камил Нугаев мөрәҗәгать итте. Нәтиҗәдә, «Главтатдортранс» ДКУ зиратка керү юлларын комиссия белән тикшерде, смета бәясе билгеләнде. Вожи авылындагы зиратка каты өслекле юл салу, республика бюджеты кысаларында финанслау чыганагын билгеләгәннән соң, юл эшләре планына кертеләчәк. Әмма мәсьәлә ачык кала. Депутат әлеге мәсьәләне хәл итүдә ярдәм итәргә вәгъдә бирде.
Шәһәрдә яшәүче хатын, шәхсән килү мөмкинлеге булмаганлыктан, шалтыратты һәм, сорауны хәл итү өчен рәхмәт сүзләрен җиткерү өчен, кабул итүгә язылды. Төркемне рәсмиләштерү өчен медик-санитария экспертизасына юллама озак вакыт ала алмаган. Депутатның мөрәҗәгатеннән соң, кабат тикшеренү узды, медик-санитария экспертизасы, нәтиҗәдә инвалидлык төркемен алды.
Халыкның сораулары эшкә кабул ителде. Сорауларны хәл итүгә барлык компетентлы органнар һәм ведомстволар җәлеп ителәчәк.