Болгарда «Хәтер бакчасы» акциясе узды
Болгарда, “Хәтер бакчасы” халыкара акциясе кысаларында, үзәк мәйданда, Геройлар аллеясында агач утырту узды.
Бу күркәм акциядә район башлыгы Фәргать Мөхәммәтов, башкарма комитет җитәкчесе Валерий Осокин, Болгар шәһәр башкарма комитеты җитәкчесе вазыйфаларын башкаручы Илһам Кузнецов һәм башка рәсми затлар катнашты. Районның урман хуҗалыгы эшчәннәре, шәһәр башкарма комитеты һәм башка белгечләр белән бергә алар ылыслы токымлы яшь агачларны безнең якташларыбыз, Советлар Союзы Геройлары һәм Дан орденының тулы кавалерлары бюстлары янына утырттылар, шулай итеп, чираттагы мәртәбә, Бөек Ватан сугышы геройларына - һәм өйләренә кайткач, мәңгегә яу кырларында калган Бөек Ватан сугышы каһарманнары истәлегенә хөрмәт күрсәттеләр. Акциядә катнашучыларның барысы да мондый акцияләрнең алга таба да дәвам итәчәгенә, Ватанны саклаучылар турындагы истәлекләр киләчәк буыннарга тапшырылачак, дигән өметләрен белдерделәр.
Чыганак: "Яңа тормыш"