Семинары

Мәктәпкәчә белем бирү учреждениеләре тәрбиячеләре өчен “ Яңа технологияләр кулланып мәктәпкәчә белем һәм тәрбия бирүнең эчтәлеген яңарту” темасы буенча район семинары үткәрелде. Семинар “ Солнышко” балалар бакчасында бөтен район тәрбиячеләре катнашында узды.

Балалар бакчасында тәрбияләнүчеләр тәрбиячеләрне Мәктәпкәчә тәрбия хезмәткәрләре бәйрәме белән котладылар.

Семинарда мәктәпкәчә белем бирү буенча ИМЦ методисты Никитина С.А. “ Мәктәпкәчә белем бирүнең эчтәлеген яңартуда төп фактор-инновацион технологияләр куллану” темасына чыгыш ясады. Укыту-тәрбия эшен яңача оештыруда булган үзгәрешләр турында “ Солнышко” балалар бакчасының 1 категорияле тәрбиячесе Иванова Л.П. сөйләде.

“Антошка” балалар бакчасының 1 категорияле тәрбиячесе Сабирова А.И. үзенең чыгышында УМК кулланып дәүләт ике теллелеге шартларында заманча укытуның мөһимлеген ассызыклады.

“Солнышко” балалар бакчасының 1 категорияле тәрбиячесе Вәлиева М.Ш., югары категорияле тәрбияче Королева Т.А. мастер-класслар күрсәттеләр. Тәрбиячеләр дәресләрдә ноутбук, мультимедия проекторы, экран кулландылар. Заманча техник чаралар куллану дәресләрне тагын да җанландырды.