Авыл хуҗалыгы һәм азык-төлек идарәсе мәгълүматлары буенча, районда бөртекле культураларны урып-җыю төгәлләнгән.
Ашлыкның тулай җыемы 121237 тонна тәшкил итте, һәр гектардан уртача 31,9 центнер җыеп алынган. Шулай да басуларда урып-җыю эшләре дәвам итә әле. Техник культуралардан әлегә рапс белән рыжик кына җыеп алынган. Игенчеләргә 650 гектар мәйданнан – соя, 10600дән артык гектардан – көнбагыш, бөртеккә һәм силоска 3240 һәм 1100 гектардан кукуруз җыеп алырга кирәк.
Хуҗалыкларда көзге культуралар чәчү дәвам итә: хәзерге вакытта 18300 гектар мәйданда булачак уңышка нигез салынган. Механизаторлар туңга сөрүне дә туктатып тормый: әлегә бу агрочара 23500 гектарда башкарылган, ә барлыгы 54000 гектарда җир сөрергә кирәк.